مراجعة رواية صندوق الدمى (شيرين هنائي)

Standard

صندوق الدمى

شيرين هنائي

التقييم : 5 / 5

صندوق الدمى

 

For English version

انا اعجبت جدا بالرواية و هى دى اول رواية اقراها لشيرين هنائي و مجرد ما قراتها اسمها بقى فى قائمة افضل الكتاب عندى اللى ممكن اشتري كتابهم لمجرد ان اسمهم عليه من غير ما اسال عنه
يكفي انى كنت (ومازلت) من اشد المعارضين لنظرية المؤامرة و بالرغم من كده اعجبت بالرواية و اتشديتلها جدا دى لوحدها نقطة كبيرة اوى بالنسبة لى انها جعلتنى اعجب برواية بتناقض معتقداتى

نبتدى بالايجابيات
اولا: الفكرة و دى اهم نقطة فى اى رواية
الفكرة جديدة جدا و ما شفتش زيها قبل كده
و فيها اسقاط على الواقع بشكل رهيب (تحريك الدمى و خلافه) طبعا من وجهة نظر المؤلفة لانى زى ما قلت ضد نظريات المؤامرة
قليل لما حد عربي بيكتب فى مجال الرعب فكرة جديدة
دايما تلاقيهم بياخدوا افكار غربية زى ال vampires مثلا و يعملوا عليها رواية من منظور مختلف

ثانيا
الاحداث مشوقة بشكل رهيب و نقطة تضاف للكاتبة ان الجزء الاول من الرواية عملته بطريقة غير تقليدية اللى هى خطابات رنا لطفلها و هو فى رحمها لسه
انا الاحداث كانت من تشويقها انا خلصت الرواية فى زمن قياسي ما قدرتش اسيبها خالص غير لما خلصت

نيجي بقى للجزء السلبي او نقدى انا السلبي للرواية
انا قبل ما اكتب ال review دى لفيت على النت شفت الناس كلها كاتبة ايه
النهاية كانت محيرة (مش بس ليا ده لمعظم الناس اللى قراوا الرواية) بشكل كبير جدا
و بالنهاية انا بقصد اخر خمس صفحات فى الرواية
حسيت ان الاحداث جريت بشكل سريع جدا جدا عشان تختم الرواية

(تحذير من اول هنا فيه احداث ما ينفعش تعرفها غير لما تقرا القصة عشان مش تبوظ عليك)
يعني مثلا
– ليه الطفل ايمن اتحول للشر بعد ما رجع لجسمه (دى مالهاش اى تفسير فى الرواية)
– لما زين اسقط دمه على الدمى اللى فى الصندوق “تساقط الاطفال فى كل الدول بلا سبب” مش واضح هل تساقط دى معناها انهم ماتوا و ارواحهم اتحررت و الا مجرد اغمى عليهم و برضه ارواحهم اتحررت ؟
– فى اخر مشهد هل معنى ان رنا فى المستشفى كان حواليها ارواح اطفال كتير انهم ماتوا فعلا ؟
– و ايه اللى وصل رنا للمستشفى اساسا ؟ و فين زين و عمل معاها ايه ؟ و ايه اللى حصله ؟
و عمل ايه مع ايناس ؟
كل الاسئلة دى جريت كده فى اخر 5 صفحات بدون اجابة

باختصار القصة ما فيهاش closure ما فيهاش قفلة تشبع فضول القراء

لكن فى النهاية احب اقول لشيرين الف شكر على كتابة و تاليف الرواية الرائعة دى

رابط الكتاب على Goodreads 

Advertisements

2 thoughts on “مراجعة رواية صندوق الدمى (شيرين هنائي)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s