The Mayan Calendar – Part 1

Standard

بسم الله الرحمن الرحيم

The Mayan Calendar

Mayan-Calendar-Stone

حضارة المايا

حضارة المايا لمن لا يعرفها هى حضارة رائعة لا تقل تقدما و لا غموضا عن الحضارة الفرعونية كانت موجودة فى منطقة عرفت باسم Mesoamerica او امريكا الوسطى و هى منطقة بين المكسيك و أمريكا الجنوبية و المنطقة دى كانت بتضم حضارات تانية كتير زى الأزتك Aztecs

المكان اللى حضارة المايا كانت موجودة فيه هو دلوقتى دولة جواتيمالا Guatemala و بيليز Belize و هندوراس Honduras و السلفادور El Salvador و المكسيك الجنوبية Southern Mexico

حضارة المايا لو فضلنا نتكلم عنهم من هنا للسنة الجاية مش هنخلص

لانهم ما يقلوش عن الفراعنة حاجة فى التقدم فى مجالات زى الفلك و الرياضة و العمارة و الفنون

و باذن الله نبقى نعمل موضوع ليهم لوحدهم نتكلم عنهم بالتفصيل

اللى يهمنا من حضارة المايا كلها فى الموضوع ده حاجة واحدة بس

أثر واحد بس من آثارهم الكتير جدا

قطعة حجر واحدة بس

The Mayan Calendar

تقويم حضارة المايا هو عبارة عن حجر (اللى فى الصورة اللى فى اول الموضوع) تم اكتشافه فى احدى مدن المايا La Corona

الحقيقة اللى فى الصورة ده مش Mayan Calendar هو Aztec Calendar لان حضارة الازتيك اخدوه من حضارة المايا و اشتغلوا بيه فهو نفسه بس اللى موجود ده اللى عاملينه كان حضارة الازتك

التقويم ده بيتكون من تلات تقويمات متصلين ببعض و بيشتغلوا مع بعض على التوازى

1. Long Count

و ده زى حاجة عندنا اسمها Julian Day

اللى ما يعرفش Julian Day فهو تقويم بيستخدم بشكل خاص مع علماء الفلك و هو عبارة عن عدد الايام بداية من التاريخ 1 يناير 4713 قبل الميلاد يعني مثلا تاريخ النهارده بالJulian Day Calendar هو 2456265

الLong Count زيه بالظبط هو بيمثل عدد الايام بداية من تاريخ معين و معظم العلماء اتفقوا على انه 13 أغسطس 3114 قبل الميلاد فيه طبعا اراء تانية بتقول انه 11 أغسطس 3114 قبل الميلاد او 15 أكتوبر 3374 قبل الميلاد و التاريخ فى الLong Count بيتكتب كالتالى

13.0.0.0.0

و بالمناسبة ده شكل التاريخ ده بالرموز بتاعة المايا

13.0.0.0.0

نبتدى بقى نتعرف على كل جزء من الخمسة دول (من اليمين الى اليسار)

  1. kin و ده معناه day اليوم و ده عدد الايام و بياخد القيم من 0 الى 19 لان المكون اللى بعده
  2. uinal و ده بيساوى 20 kin يعني 20 يوم فكل ما نكمل 20 يوم هنزود واحد فى الخانة دى و الايام ترجع 0 من الاول زى ما بنعمل بالظبط فى نظام الشهور و السنين
  3. tun و ده عبارة عن 18 uinal يعني 360 kin يعني تقريبا سنة كاملة بحسابنا اللى هى 365 يوم
  4. katun و ده عبارة عن 20 tun  يعني 7200 kin (days) يعني تقريبا 20 سنة
  5. baktun و ده عبارة عن 20 katun يعني 144000 kin (days) يعني تقريبا 394 سنة

هنلاقيهم كلهم بيترقموا من 0 الى 19 ما عدا uinal هيبقى من 0 الى 17 لان الtun فيها 18 uinal و كمان الbaktun بتترقم من 1 الى 13

طبعا المايا زودوا اسماء تانية عشان يقدروا يعدوا ارقام اكتر من كده زى

 pictun = 20 baktun = 2,880,000 days = approx. 7885 years
 calabtun = 20 pictun = 57,600,000 days = approx. 158,000 years
 kinchiltun = 20 calabtun = 1,152,000,000 days = approx. 3 million years
 alautun = 20 kinchiltun = 23,040,000,000 days = approx. 63 million years

طب بعد ما الbaktun توصل 13 و كل الارقم التانية وصلت لاخرها ؟ يعني التاريخ بقى كده

13.19.19.17.19

المفروض يحصل ايه ؟

التاريخ هيتصفر و يرجع يعد من الاول تانى فهيبقى 1.0.0.0.0

و دى اسمها Long Count Cycle

و بحسبة بسيطة جدا هنلاقيها بتحصل تقريبا كل 5125.25 سنة اللى هى 13*20*20*18*20 يوم

و لو حبينا نحسب تاريخ النهارده 3 ديسمبر 2012 هنلاقيه 12.19.19.17.2

فيه موقع فى الاخر هتلاقوه لحساب الLong Count

2. Tzolkin

نيجي بقى لتانى جزء فى الcalendar

و الcalendar دى خاصة بايام الاسبوع

احنا عندنا التقويم بتاعنا الاسبوع فيه 7 ايام مش كده ؟

بس المايا كانوا مقسمين ايام الاسبوع بطريقتين مختلفين :

الطريقة الاولى انهم مقسمين الاسبوع 13 يوم كل يوم ليه رقم من 1 الى 13

اما الطريقة التانية فهما مقسمين الاسبوع الى 20 يوم كل يوم له اسم مش رقم و اسمائهم كالتالى

tzolkin 20 days

tzolkin 20 days

و دى اشكال الرموز بتاعة كل اسم فى الMayan Calendar Stone

mayadays

mayadays

الطريقتين دول مش منفصلين لا دول شغالين مع بعض ازاى ؟

يعني لو فرضا هنبتدى من النهارده يبقى النهارده اسمه 1 Ahau و بكرة اسمه 2 Imix و هكذا و خلوا بالكم لما ييجي الدور على Ahau تانى مش هيبقى معاه الرقم 1 لان الارقام 13 رقم بس

و كمان ملاحظة مادام الطريقة التانية فيها 20 يوم و الLong Count خانة الايام فيه فيها 20 يوم يبقى هما متزامنين مع بعض

يعني فى الLong Count لو خانة اليوم فيها الرقم 6 مثلا يبقى النهارده اسمه Cimi و هكذا

طب عشان نفس اليوم ييجي مرة تانية بقى

يعني احنا قلنا ان 1 Ahau المرة الجاية مش هيبقى 1 هيبقى رقم تانى

فعشان نعرف هو 1 Ahau هييجي تانى امتى احنا عندنا 13 رقم مع 20 يوم يبقى 13 * 20 = 260 يوم

يعني كل 260 يوم الايام بتتكرر من الاول تانى و دى اسمها 260-day Cycle

طب التاريخ اللى مكمل معانا من الاول اللى هو 13.0.0.0.0 (تاريخ بداية الcalendar) ده كان بيمثل انهو يوم ؟

العلماء اجمعوا على انه يوم 4 Ahau

3. Haab

و ده تالت و اخر تقويم فى الMayan Calendar و ده كان بيستخدم فى الاعمال اليومية زى الزراعة عشان كده بيسموه the civil calendar

و ده بيمثل الشهور و فيه 18 شهر كل واحد 20 يوم و بعد ما ال18 شهر يخلصوا فيه 5 ايام (لا يتبعون اى شهر) اسمهم Wayeb يبقى كده المجموع الكلى لايام السنة فى الHaab Calendar هو 365 يوم بالظبط

هتلاحظوا انهم تجاهلوا هنا الربع يوم الزيادة و بالتالى التقويم ده مش دقيق اوى

اما بالنسبة لاسماء الشهور فهى كالتالى:

haab

haab

ملاحظة بالنسبة لاخر خمس ايام دول المايا كانوا بيعتبروهم ايام نحس و لو اى حد اتولد فى الخمس ايام دول بيعتبروه هيعيش حياته كلها تعيس لان كان عندهم اعتقاد ان فى الايام دى البوابات بين العالم بتاعهم و العالم السفلي بتتفتح فبتسهل نقل الشياطين بين العالمين و بتحصل كوارث

و فى تاريخ البداية اللى هو 13.0.0.0.0 اجمع العلماء على انه بيوافق يوم 8 فى شهر Kumk’u

Calendar Round

فلنتخيل يوم زى يوم 4 Ahau 8 Kumk’u

و هو اليوم الموافق ل 13.0.0.0.0

احنا قلنا ان التلات تقويمات دول شغالين مع بعض بالتوازى

المرة الجاية اللى هييجي فيها يوم Ahau مش هيبقى معاه الرقم 4 و ممكن ما تبقاش فى شهر Kumk’u مش كده ؟

طب زى ما حسبنا اليوم 4 Ahau انه بيتكرر كل 260 يوم فلو حبينا نحسب الTzolkin و الHaab بيتطابقوا على بعض تانى كل كام يوم هنحسبها ازاى ؟

احنا عندنا الTzolkin فيها 260 يوم و الHaab فيها 365 يوم فلو حبينا نجيب اصغر رقم ممكن يقبل القسمة على 260 و 365 هيطلع 18980 و ده بيمثل تقريبا 52 سنة

يعني كل 52 سنة التقويمين بينطبقوا تانى

يعني اليوم 4 Ahau 8 Kumk’u بيتكرر كل 52 سنة و زيه بقية الايام بقى

و ال52 سنة دول بنسميهم Calendar Round

 

كده احنا شرحنا اول جزء عن الMayan Calendar و هو ازاى نقراها

ازاى كانوا بيتعاملوا مع التواريخ و الارقام

بس دي مش كل حاجة

ده بس اول جزء

فاتح شهية

فى الاجزاء الجاية ان شاء الله هنتعرض اكتر للغرائب و الالغاز اللى موجودة فى الMayan Calendar

صدقونى هتذهلوا لما تعرفوا ايه اللى موجود فيها 😀

ده وعد

 

المصادر

  1. http://www.webexhibits.org/calendars/calendar-mayan.html
  2. http://en.wikipedia.org/wiki/Julian_day
  3. Julian Day Calculator
  4. http://www.sizes.com/time/cal_mayan.htm
  5. http://en.wikipedia.org/wiki/Maya_calendar
  6. http://www.teoria.com/jra/maya/index.html
  7. http://mathdl.maa.org/mathDL/46/?pa=content&sa=viewDocument&nodeId=1459
  8. http://en.wikipedia.org/wiki/La_Corona
  9. http://www.world-destiny.org/maya/haabtzolkin%20system.htm
  10. http://people.howstuffworks.com/mayan-calendar.htm
  11. http://www.youtube.com/watch?v=qhWItvjk9Yg
  12. Long Count Calculation

2456265

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s